أختي مـ,ـاتت من اسبوعين واتد.فنت بالفعل بس كل يوم بتيجي تصوت لامي في الحلم في الاول ماما كانت بتقول.. انه مجرد حلم مزعج او كابوس وهيعدي وهتنساه لكن المقلق في الامر ان الحلم كان بيتكرر كل ليلة وبنفس الكيفية والكلام دا بيحصل من يوم ما اختي اتوفـ,ـت وفضلت ماما علي الحال ده لغاية ما الحلم اثر علي نفسيتها وخلاها علي مشارف الجنون عشان كده ماما جت في يوم وجمعتني انا واخواتي البنات
وقالتلنا.. يا بنات….انا اخدت قرار بفتح التربة الي اختكم دعاء مدفـ,ـونة فيها لازم افهم.. ليه اختكم بتجيلي في المنام كل ليلة؟ ولية بتستغيث من زوجي واشمعني زوجي بالذات يعني في اللحظة دي رديت علي ماما وقلتلتها… متكبريش الموضوع يا ماما ملوش لازمة تروحي المقـ,ـابر وتنبشي تربة اختي لمجرد انك حلمتي حلم مزعج وبعدين الكلام الي انتي ناوية علية دا لو وصل لجوزك هيزعل في اللحظة دي امي بصتلي بحزن وبعدها ردت بنبرة كلها اصرار
وقالت…مش عايزة كلام كتير انا قولت هاروح المقـ,ـابرواشوف اختكم يعني هروح المـ,ـقابر حتي لو هترسي علي طـ,ـلاقي من الدكتور خليفة للكاتبة …حنان حسن في اللحظة دي اخدتني اختي الكبيرة سلوي بعيد عن ماما وقالتلي…اسمعي يا مني امك اعصابها تعبانة بسبب مـ,ـوت دعاء تعالي نروح معاها المـ,ـقابر في السر بدون ما جوزها يعرف ونخليها تزور اختك يمكن قلبها يهداء وترتاح فا هزيت راسي با استسلام وقلت.. ماشي…الي تشوفوه تعالوا نروح وفعلا ركبنا انا وماما واخواتي البنات العربية بتاعتنا…
واتجهنا لطريق المقـ,ـابر وفي الطريق..فضلت افكر في.. زوج ماما وفي افضالة الكتير علينا وقلت لنفسي… ازاي ماما تصدق في الاحلام والكلام الفارغ ده وازاي تشك في جوزها اصلا دا زوجها (الدكتور خليفة) راجل محترم ..ومتدين وبيعمل خير كتير وياما ساعد ناس .. بدليل العيادة الخيرية الي عملها عشان يكشف فيها علي الغلابة مجانا و كفاية انه اتبرع لاخويا بكليتة لما كان محتاج نقل كلية دا لو ابونا مكانة مكنش هيعمل كده
دا غير احتـ,ـضانة لينا انا واخواتي ومعاملتة الحسنة مع الجميع يبقي ازاي ماما تخسر راجل زي ده؟ لمجرد انها شافت حلم؟ عموما ادينا رايحين علي المـ,ـقابر يمكن ماما تهدئ زي ما سلوي اختي قالت وفضلت ادعي لماما واقول… ربنا يهديكي يا ماما واثناء ما كنت شاردة بذهني لقيت سلوي بتفوقني من شرودي وبتقولي يلا يا مني عشان ننزل من العربية..
